जाहि घनगर वृक्षक छायामे
श्रांत-क्लान्त अहाँ
सुस्ताइत छी,
ओ छाया अहाँकेँ अप्पन
खास अप्पन लगैत अछि,
मुदा मीत!
ओ छाया अहाँक नहि थिक।
बहुतो दिनसँ बाट-बटोही—
नाना भेष, बोली-चाली
एहिना अबैत रहल,
सुस्ताइत रहल।
वृक्ष अपन छाया एहिना बिलहैत रहल—
निष्पक्ष, निर्विकार।
लोकक श्रम-स्वेद बिन्दुकेँ
अपन शीतल छायासँ सुखबैत रहल
सुख बँटैत रहल।
लोक आयल, लोक गेल
मुदा वृक्ष ककरो पाछु नहि धयलक।
ओ ठामक ठामहि रहल।
तैँ मीत!
अहूँ जी भरि सुस्ता लियऽ
भावनाक मोटरी खोलि
मोनकेँ हल्लुक कऽ लियऽ
अपनत्वक भ्रम भने मनमे पोसि लियऽ
मुदा मीत!
ई मानि लियऽ
गीरह बान्हि लियऽ
ई छाया अहाँक नहि थिक।
क्षणिक सुखसँ उपजल मोह
सत्य नहि थिक।
सत्य थिक ई छाया—
शाश्वत, चिरंतन, अजेय।
jahi ghangar vrikshak chhayame
shraant klaant ahan
sustait chhi,
o chhaya ahanken appan
khaas appan lagait achhi,
muda meet!
o chhaya ahank nahi thik.
bahuto dinasan baat batohi—
nana bhesh, boli chali
ehina abait rahal,
sustait rahal.
vriksh apan chhaya ehina bilhait rahal—
nishpaksh, nirvikar.
lokak shram sved binduken
apan shital chhayasan sukhbait rahal
sukh bantait rahal.
lok aayal, lok gel
muda vriksh kakro pachhu nahi dhaylak.
o thamak thamahi rahal.
tain meet!
ahun ji bhari susta liyऽ
bhavnak motari kholi
monken halluk kaऽ liyऽ
apnatvak bhram bhane manme posi liyऽ
muda meet!
ii mani liyऽ
girah banhi liyऽ
ii chhaya ahank nahi thik.
kshnik sukhasan upjal moh
satya nahi thik.
satya thik ii chhaya—
shashvat, chirantan, ajey.
jahi ghangar vrikshak chhayame
shraant klaant ahan
sustait chhi,
o chhaya ahanken appan
khaas appan lagait achhi,
muda meet!
o chhaya ahank nahi thik.
bahuto dinasan baat batohi—
nana bhesh, boli chali
ehina abait rahal,
sustait rahal.
vriksh apan chhaya ehina bilhait rahal—
nishpaksh, nirvikar.
lokak shram sved binduken
apan shital chhayasan sukhbait rahal
sukh bantait rahal.
lok aayal, lok gel
muda vriksh kakro pachhu nahi dhaylak.
o thamak thamahi rahal.
tain meet!
ahun ji bhari susta liyऽ
bhavnak motari kholi
monken halluk kaऽ liyऽ
apnatvak bhram bhane manme posi liyऽ
muda meet!
ii mani liyऽ
girah banhi liyऽ
ii chhaya ahank nahi thik.
kshnik sukhasan upjal moh
satya nahi thik.
satya thik ii chhaya—
shashvat, chirantan, ajey.
स्रोत :
पुस्तक : एक गुलाबक लेल (पृष्ठ 51)रचनाकार : छत्रानन्द सिंह झा
प्रकाशन : नीलकण्ठ प्रकाशन, पटना
संस्करण : 1988
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
