चन्ननबासी हवा बहै औ अमरित घोरा पानी,
फल के स्वाद फूल कइ खुसबू कैसे जाए बखानी,
जौने माँगे तौन लुटावै परकित अइसी दानी
कबहूँ लाल, बसन्ती कबहूँ, कभौं चुनरिया धानी।
जादू कै मुसकान गोबरधन, जादू कै मुसकान।
आपन देस महान गोबरधन, आपन देस महान।
उत्तर दक्खिन पूरब पच्छिउ डाढ़े चारिउ धाम,
सुबरन मंदिर जामा मस्जिद, ग्यानी गुरू इमाम,
धरम-करम कै धरती आपन तिकड़म से का काम
बोलै अस्सलाम आले कुम, आले कुम अस्सलाम।
जानै सकल जहान गोबरधन, जानै सकल जहान।
आपन देस महान गोबरधन, आपन देस महान।
हमरी कइती आँख उठावै मारी ताकि निसाना,
आगे बढ़ि के हाथ मिलावै ताकी प्रीति निभाना,
हिंदू मुस्लिम सिख इसाई सबकै एक तराना
ना केउ से केउ मोट गोबरधन, ना केउ से केउ काना।
सब एकै तस्मान गोबरधन सब एकै तस्मान।
आपन देस महान गोबरधन, आपन देस महान।
तीन लोक संपदा जनम से एकै बनी बपौती,
सोना चानी रतन खान औ पन्ना हीरा मोती,
एकर सान अकासे झूलै सरग झुरानी धोती
अचरज भरि के आँख लिलोरें रान परोसी गोती।
देवतौ लखि ललचान गोबरधन, देवतौ लखि ललचान।
आपन देस महान गोबरधन, आपन देस महान।
राम किसन गौतम गाँधी की मरजादा कै माटी,
बढ़े ढंग के ढाँचा पाए बढ़े रंग के कोठी,
आन-बान पर जान निछावर पुरखन के परिपाटी
माथे चंदन, गरवा गमकै केसर वाली घाटी।
पहरा पर हिमवान गोबरधन पहरा पर हिमवान।
आपन देस महान गोबरधन, आपन देस महान।
संकट आवै कभौं देस पर भेदभाव बिसराई,
अफलातून बनै जे ओकै झारी थै औंघाई,
सबसे बड़ी सबैसे उप्पर, आपन धरती माई
रच्छा खातिर एक बरन होइ ठाढ़ा राम देहाई।
सम्मै हिंदुस्तान गोबरधन सम्मै हिंदुस्तान।
आपन देस महान गोबरधन, आपन देस महान।
आजादी के अलख जगावत फहरै सरग तिरंगा,
चाँद सुरुज आरती देखावैं अरघ चढ़ावै गंगा,
सबके मन कै मिटावै सबका मनुआ चंगा
चरन धोइ के माथ चढ़ावै उच्छल जलधि तरंगा।
यहिं पर हमै गुमान गोबरधन यहिं पर हमैं गुमान।
आपन देस महान गोबरधन, आपन देस महान।
राना सिवा फतेह जोरावर औ बंदा वैरागी,
भगत सुभाष राजगुरु सेखर घर कुरिया सब त्यागी,
गाँधी नेहरू जनमि-जनमि के कोख बनी बड़भागी
बीत राग होइगे अपनन से देसवा के अनुरागी।
के है एकरी खान गोबरधन के है एकरी खान।
आपन देस महान गोबरधन, आपन देस महान।
channanbasi hava bahai au amrit ghora pani,
phal ke svaad phool kai khusbu kaise jaye bakhani,
jaune mange taun lutavai parkit aisi dani
kabhun laal, basanti kabhun, kabhaun chunariya dhani.
jadu kai muskan gobardhan, jadu kai muskan.
aapan des mahan gobardhan, aapan des mahan.
uttar dakkhin purab pachchhiu DaDhe chariu dhaam,
subran mandir jama masjid, gyani guru imaam,
dharam karam kai dharti aapan tikDam se ka kaam
bolai assalam aale kum, aale kum assalam.
janai sakal jahan gobardhan, janai sakal jahan.
aapan des mahan gobardhan, aapan des mahan.
hamri kaiti ankh uthavai mari taki nisana,
aage baDhi ke haath milavai taki priti nibhana,
hindu muslim sikh isai sabakai ek tarana
na keu se keu mot gobardhan, na keu se keu kana.
sab ekai tasman gobardhan sab ekai tasman.
aapan des mahan gobardhan, aapan des mahan.
teen lok sampada janam se ekai bani bapauti,
sona chani ratan khaan au panna hira moti,
ekar saan akase jhulai sarag jhurani dhoti
achraj bhari ke ankh liloren raan parosi goti.
devtau lakhi lalchan gobardhan, devtau lakhi lalchan.
aapan des mahan gobardhan, aapan des mahan.
raam kisan gautam gandhi ki marjada kai mati,
baDhe Dhang ke Dhancha pae baDhe rang ke kothi,
aan baan par jaan nichhavar purkhan ke paripati
mathe chandan, garva gamakai kesar vali ghati.
pahra par himvan gobardhan pahra par himvan.
aapan des mahan gobardhan, aapan des mahan.
sankat aavai kabhaun des par bhedabhav bisrai,
aphlatun banai je okai jhari thai aunghai,
sabse baDi sabaise uppar, aapan dharti mai
rachchha khatir ek baran hoi thaDha raam dehai.
sammai hindustan gobardhan sammai hindustan.
aapan des mahan gobardhan, aapan des mahan.
ajadi ke alakh jagavat phaharai sarag tiranga,
chaand suruj aarti dekhavain aragh chaDhavai ganga,
sabke man kai mitavai sabka manua changa
charan dhoi ke maath chaDhavai uchchhal jaldhi taranga.
yahin par hamai guman gobardhan yahin par hamain guman.
aapan des mahan gobardhan, aapan des mahan.
rana siva phateh joravar au banda vairagi,
bhagat subhash rajaguru sekhar ghar kuriya sab tyagi,
gandhi nehru janami janami ke kokh bani baDbhagi
beet raag hoige apnan se desva ke anuragi.
ke hai ekri khaan gobardhan ke hai ekri khaan.
aapan des mahan gobardhan, aapan des mahan.
channanbasi hava bahai au amrit ghora pani,
phal ke svaad phool kai khusbu kaise jaye bakhani,
jaune mange taun lutavai parkit aisi dani
kabhun laal, basanti kabhun, kabhaun chunariya dhani.
jadu kai muskan gobardhan, jadu kai muskan.
aapan des mahan gobardhan, aapan des mahan.
uttar dakkhin purab pachchhiu DaDhe chariu dhaam,
subran mandir jama masjid, gyani guru imaam,
dharam karam kai dharti aapan tikDam se ka kaam
bolai assalam aale kum, aale kum assalam.
janai sakal jahan gobardhan, janai sakal jahan.
aapan des mahan gobardhan, aapan des mahan.
hamri kaiti ankh uthavai mari taki nisana,
aage baDhi ke haath milavai taki priti nibhana,
hindu muslim sikh isai sabakai ek tarana
na keu se keu mot gobardhan, na keu se keu kana.
sab ekai tasman gobardhan sab ekai tasman.
aapan des mahan gobardhan, aapan des mahan.
teen lok sampada janam se ekai bani bapauti,
sona chani ratan khaan au panna hira moti,
ekar saan akase jhulai sarag jhurani dhoti
achraj bhari ke ankh liloren raan parosi goti.
devtau lakhi lalchan gobardhan, devtau lakhi lalchan.
aapan des mahan gobardhan, aapan des mahan.
raam kisan gautam gandhi ki marjada kai mati,
baDhe Dhang ke Dhancha pae baDhe rang ke kothi,
aan baan par jaan nichhavar purkhan ke paripati
mathe chandan, garva gamakai kesar vali ghati.
pahra par himvan gobardhan pahra par himvan.
aapan des mahan gobardhan, aapan des mahan.
sankat aavai kabhaun des par bhedabhav bisrai,
aphlatun banai je okai jhari thai aunghai,
sabse baDi sabaise uppar, aapan dharti mai
rachchha khatir ek baran hoi thaDha raam dehai.
sammai hindustan gobardhan sammai hindustan.
aapan des mahan gobardhan, aapan des mahan.
ajadi ke alakh jagavat phaharai sarag tiranga,
chaand suruj aarti dekhavain aragh chaDhavai ganga,
sabke man kai mitavai sabka manua changa
charan dhoi ke maath chaDhavai uchchhal jaldhi taranga.
yahin par hamai guman gobardhan yahin par hamain guman.
aapan des mahan gobardhan, aapan des mahan.
rana siva phateh joravar au banda vairagi,
bhagat subhash rajaguru sekhar ghar kuriya sab tyagi,
gandhi nehru janami janami ke kokh bani baDbhagi
beet raag hoige apnan se desva ke anuragi.
ke hai ekri khaan gobardhan ke hai ekri khaan.
aapan des mahan gobardhan, aapan des mahan.
स्रोत :
पुस्तक : माटी औ महतारी (पृष्ठ 47)रचनाकार : आद्या प्रसाद 'उन्मत्त'
प्रकाशन : अवधी अकादमी
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
