मुबारक की संपूर्ण रचनाएँ
दोहा 14
गोरे मुख पर तिल लसे ताहि करौ परनाम।
मानहु चंद बिछाइकै बैठे सालिगराम॥
- फ़ेवरेट
-
शेयर
गोरे मुख पर तिल लसत मेटत है दुख द्वंद।
मानहु बेटा भानु को रह्यो गोद लै चंद॥
- फ़ेवरेट
-
शेयर
तिय निहात जल अलक ते, चुवत नयन की कोर।
मनु खंजन मुख देत अहि, अमृत पोंछि निचोर॥
- फ़ेवरेट
-
शेयर
विधि कपोल टिकिया करी, तहँ तिल धरो बनाय।
यह मन छधित फकीर ज्यों, रहैं टकटकी लाय॥
- फ़ेवरेट
-
शेयर
छूटो चंदन भाल तें, अलक ऊपर छबि देत।
डसी उलटि मनु नागिनी उदर बिराजत सेत॥
- फ़ेवरेट
-
शेयर
